Reykjanesbær frestar framkvæmdum

Reykjanesbær hefur ákveðið að fresta framkvæmdum í bænum sem hljóða upp á rúmar 550 milljónir króna.

Þetta ákvað bæjarráð, í dag, til að styðja við ákvörðun ríkisstjórnarinnar, sem lagði fram tilmæli til sveitarfélaga, um aukið aðhald í framkvæmdum á næstu mánuðum til að stemma stigu við efnahagsþenslu í samfélaginu. Bæjarráð Reykjanesbæjar segir þó að þetta aðhald geti verið erfitt fyrir sveitarfélagið á sama tíma og fólk er að missa störf sín á Varnarliðssvæðinu og mikil vöntun er á atvinnu. Ráðið segir þó að líta verði á heildina og því sé staða efnahagsins í landinu mikilvægar sem stendur en erfiðar aðstæður einstakra svæða, þótt taka eigi tillit til slíkra aðstæðna.