Ekki ákveðið hvort Alliancehúsið verði friðað

Vilhjálmur Þ. Vilhjálmsson borgarstjóri segist ekki geta svarað að svo stöddu hvort Alliance-húsið svokallaða í Vesturbæ Reykjavíkur verði friðað. Borgarskipulagið hafi verið samþykkt án athugasemda og eigendur lóðarinnar eigi sinn rétt.

Fulltrúar húsafriðunarnefndar ríkisins fór þess á leit við borgarstjóra að Alliance-húsið yrði friðað þar sem það hefur sögulegt gildi en það stendur til að rífa húsið á næstunni. Húsið stendur við Mýrargötu og það var byggt á árunum 1924 og 25. Þar var á sínum tíma saltaður fiskur og þurrkaður og fjöldi fólks vann í húsinu. Samkvæmt skipulagi borgarinnar á sjö hæða íbúðarhúsnæði að rísa þar sem húsið stendur nú.