40 slösuðust á afmæli uppreisnarinnar í Búdapest

Lögreglumenn skutu gúmmíkúlum og beittu táragasi og vatnssprautum gegn mótmælendum í Búdapest í Ungverjalandi í gærkvöldi. Fólkið hafði safnast saman til að ýsa andúð sinni á ríkisstjórninni, daginn sem Ungverjar minntust 50 ára afmælis skammlífrar uppreisnar gegn Sovétríkjunum.

Starfsmaður á slysadeild sagði í það minnsta 40 manns hafa slasast, þar á meðal nokkra lögreglumenn. Flestir mótmælendurnir voru friðsamir og vildu bara fá að komast á Kosuth-torgið til að minnast afmælisins. Aðrir létu öllu ófriðlegar og rændu meðal annars gömlum, vopnlausum skriðdreka, sem stóð til sýnis út af afmælinu, og óku honum í gegnum þvöguna í átt að lögregluliðinu.