Íslendingar á Edinborgarhátíðinni

Íslendingar verða áberandi á kvikmyndahátíðinni í Edinborg sem hefst eftir nítján daga. Kvikmyndin Dead Mans Card verður í flokknum British Gala en þetta er kvikmynd í fullri sem framleidd er af Sigvaldi J. Kárasyni og félögum hans í Stray Dogs Films. Myndin segir frá boxara í Liverpool sem neyðist til að láta af keppni vegna augnmeiðsla. Hann fær sér vinnu á skuggalegum næturklúbbi og kemst þar í kynni við undirmálsfólk borgarinnar. Myndin keppir til verðlauna í þremur flokkum; um áhorfendaverðlaun, bestu nýju bresku myndina og verðlaun fyrir leikstjórn.

Anna Lísa Björnsdóttir tekur einnig þátt í hátíðinni en hún sýnir útskriftarverkefni sitt frá National Film and Television School í Bretland, Mad World, en myndin verður þátttakandi í flokknum McLaren Animation Programme.

Kvikmyndir sem Sigurjón Sighvatsson framleiðir verða einnig mjög sýnilegar á Edinborgarhátíðinni en kvikmyndirnar Destricted og Zidane verða báðar sýndar á hátíðinni. Stuttmyndasafnið Destricted verður sýnt en það hefur vakið upp sterk viðbrögð vegna mikillar nektar og kynlífs. Á heimasíðu kvikmyndahátíðarinnar er að finna grein um myndina og þar segir að The Destricted hafi brotið niður þau boð og bönn sem ríkt hafi um þetta eldfima efni. Þá verður Zidane-heimildarmyndin einnig sýnd en tímaritið The Observer sagði hana hafa verið bestu myndina á Cannes-hátíðinni.