Tekur fulla ábyrgð á tapinu

Gareth Southgate segir að skrifa megi tapið fyrir fyrrum lærisveinum Guðjóns Þórðarsonar í Notts County alfarið á sig, en Southgate stillti upp mikið breyttu liði á heimavelli gegn 3. deildarliðinu og uppskar 1-0 tap.

"Ég verð að taka ábyrgð á þessu tapi því það er ég sem stilli liðinu upp. Ég hélt að þetta væri nógu sterkt lið til að vinna leikinn, en okkur var refsað fyrir einu mistökin sem við gerðum. Svona er bikarkeppnin - við vildum vinna þessa keppni en erum úr leik. Þetta eru mikil vonbrigði," sagði Southgate.