Mel B ólétt?

Eftir mikinn orðróm þess efnis að fyrrverandi kryddpían Mel B og Eddie Murphy muni ganga í það heilaga á næstunni, heldur the Sun því nú fram að söngfuglinn beri barn þeirra undir belti. Náinn vinur parsins segir Mel vera komna fjóra mánuði á leið og parið vera yfir sig hamingjusamt með væntanlegan erfingja. Samkvæmt heimildum blaðsins gat Mel ekki haldið aftur af sér og sagði hverjum sem er af þunguninni í nýafstaðinni verslunarferð í versluninni Le Bra Lingerie í Los Angeles. Hún ýjaði jafnvel að því að von gæti verið á tvíburum, en þeir eru víst algengir í fjölskyldu Eddies. Grínistinn Eddie á sex börn fyrir, en Mel á dótturina Phoenix Chi með fyrrverandi eiginmanni sínum Jimmy Gulzar.