Vantaði rétta hugarfarið

Jónas Guðni Sævarsson var fyrirliði Keflavíkur í gær. "Við vorum með hugann við bikarúrslitaleikinn um næstu helgi og því fór þetta svona. Þetta er klárlega ekki leikurinn sem við ætluðum að taka með okkur í þá baráttu. Það var ekkert að ganga hjá okkur og við þurfum að skoða hvað við ætlum að gera fyrir leikinn gegn KR," sagði Jónas Guðni eftir tapið gegn Breiðabliki.

"Við urðum bikarmeistarar fyrir tveimur árum og það eru sumir í leikmannahópnum sem þekkja það hvað það er gaman að taka þátt í þessum leik. Ég trúi ekki öðru en við leggjum okkur alla fram í það verkefni og tökum KR-ingana," sagði Jónas Guðni.