Ljósmyndin auglýsing fyrir kókaín

Leikkonan Kate Hudson er augljóslega kominn í stríð gegn ljósmyndurum og gulu pressunni. Eins og Fréttablaðið greindi frá hótaði Hudson lögsóknum gegn þeim ljósmyndara sem myndi smella mynd af syni hennar.

Nú hefur hún lýst yfir vanþóknun sinni á birtingu mynda af Kate Moss að sniffa kókaín í breska blaðinu The Daily Mirror í september síðastliðnum. Moss missti í kjölfarið traust flestra tískufyrirtæki og hraktist til Bandaríkjanna þar sem hún tók mál sín föstum tökum. Þvert á spár tískuspekingar hefur Moss tekist að snúa dæminu við.

Hudson heldur því fram að myndbirtingin stuðli að aukinni neyslu fíkniefna. Engin kona getur klæðst tískuflíkum eins og hún, þetta er í raun alveg hrikalegt, sagði Hudson. Þetta er hugsanlega það heimskulegasta sem The Daily Mirror gat gert, bætti Hudson við. Myndin var eins og auglýsing fyrir kókaín: Ef þú neytir þessa efnis lítur þú út svona. Moss er algjörlega ómótstæðileg hvað sem hún gerir, hún er ótrúlega töff á þessum myndum, sagði Hudson.