Útgáfutónleikar hjá Stebba og Eyfa

Útgáfutónleikar Stefáns Hilmarssonar og Eyjólfs Kristjánssonar verða í kvöld, miðvikudagskvöld, í Borgarleikhúsinu. Um tvenna tónleika verður að ræða og enn eru lausir miðar á seinni tónleikana, sem hefjast kl. 22:00.

Þeir félagar troða þar upp ásamt 8 manna hrynsveit, sem skipuð er landsliðsmönnum. Að auki njóta Stebbi og Eyfi fulltingis bakraddara og 16 manna strengjasveitar.

Platan þeirra, "Nokkrar notalegar ábreiður", hefur hlotið mjög góðar viðtökur og er á meðal söluhæstu platna landsins. Og þess má geta, að platan notalega verður til sölu í Borgarleikhúsinu á meðan tónleikum stendur - og verður á þægilegu verði.