SFLÍ vísar kjaradeilu til ríkissáttasemjara

Sjúkraliðafélag Íslands vísaði í gær kjaradeilum sínum við Launanefnd sveitarfélaga til ríkissáttasemjara. Fyrsti fundurinn hjá honum haldinn var síðdegis í gær þar sem fulltrúar launanefndar lögðu fram nýjar tillögur að kjarasamningi. Fundinum var hins vegar frestað til klukkan fimm í dag þar sem farið verður frekar yfir málin.

Fulltrúar sjúkraliðafélagsins hafa ákveðið að svara tillögu launanefndarinnar á föstudag klukkan hálftíu þar sem jafnframt verða lagðar fram breytingartillögur. Áður hefur kjaradeilu sjúkraliða við sjálfseignarstofnanir verið vísað til ríkissáttasemjara.