26 þúsund Írakar fallið frá stríðsbyrjun

Tuttugu og sex þúsund Írakar hafa verið drepnir eða særðir í árásum uppreisnar- og hryðjuverkamanna í Írak frá því í byrjun árs 2004, að mati sérfræðinga bandaríska varnarmálaráðuneytisins. Í skýrslu ráðuneytisins til Bandaríkjaþings kemur ennfremur fram að mannfallið hafi aukist úr um það bil tuttugu og sex á dag á fyrsta ársfjórðungi 2004 í sextíu og fjóra undanfarna mánuði. Átta af hverjum tíu árásum er beint gegn hersetuliðinu í landinu en átta af hverjum tíu fórnarlömbum eru óbreyttir borgarar, samkvæmt skýrslunni.