Kirkjusókn jókst um 28% milli ára

Kirkjusókn í Reykjavíkurprófastsdæmunum tveimur, vestra og eystra, jókst um tuttugu og átta prósent fyrstu vikuna í október miðað við sama tímabil í fyrra. Þetta kemur fram í tölum frá Reykjavíkurprófastdæmi eystra. Heildarfjöldi kirkjugesta þessa viku í ár nam rúmum tuttugu og fimm þúsundum. Þar er ekki tekið tillit til þeirra ferðamanna sem sóttu kirkju á tímabilinu, en þeir voru ríflega 4500, þar af 4300 í Hallgrímskirkju. Við talninguna er horft til helgihalds og athafna, barna- og unglingastarfs, tónlistastarfs, fullorðinsfræðslu og ferðamanna.