Snarvitlaust veður á Norðurlandi í allan dag

Snælduvitlaust veður hefur verið í allan dag á Norðurlandi. Um hundrað og þrjátíu manns þurftu að yfirgefa bíla sína á þjóðveginum milli Laugarbakka í Miðfirði og Blönduóss í gærkvöld. Rauði krossinn opnaði fjöldahjálparstöð fyrir fólkið og björgunarsveitir hafa unnið baki brotnu síðan um kvöldmatarleytið í gær.

130 manns á um þrjátíu bílum urðu strandaglópar í Miðdal í Vestur-Húnavatnssýslu í gærkvöldi vegna óveðurs. Rauði krossinn opnaði fjöldahjálparstöpðvar á Laugarbakka, Hvammstanga og í Víðihlíð auk þess sem hluti fólksins fékk inni í heimahúsum. Allar björgunarsveitir í Austur-og Vestur-Húnavatnssýslu voru kallaðar út til að koma í fólki í húsaskjól. Í dag hefur síðan verið unnið að því að ná upp bílum sem sátu fastir. Þeir sem urðu veðurtepptir áttu allt eins von áþvíað þurfa að vera aðra nótt en leiðin um Miðdal var opnuð um klukkan þrjú í dag en hún lokaðist aftur.Versta veðrið og ófærðin var á um tíu kílómetra kafla frá aflegggjaranum að Hvammstanga að Vatnshorni.

Bjarni Óttarsson í Björgunarsveitinni Strönd á Skagaströnd segir að sveitin hafi verið kölluð út um klukkan sjö í gærkvöld og þá hafi verið kolvitlaust veður í Vestur-Húnavatnssýslu. Margir bílar hafi verið fastir fyrir utan veg og hættir að ganga vegna truflana. Þeir hafi flutt fólkið sem var í bílunum á Hvammstanga, Laugabakka og í Víðihlíð. Bjarni segir engum hafa orðið meint af volkinu og að flutningarnir hafi gengið vel.

Rétt fyrir klukkan tvö í nótt var búið að koma öllum í húsaskjól og björguarsveitarmenn tóku sér hvíld. Klukkan átta í morgun var svo hafist handa við að losa fasta bíla.Fólkið var á öllum aldri, yngsti strandaglópurinn var tveggja mánaða.Aðspurður hvernig bílarnir hafi verið búnir segir Bjarni að það hafi verið misjafnt. Einn og einn hafi verið á sumardekkjum og svo hafi verið bílar með kerrur aftan í sem hafi fokið þversum á veginum.

Á Laugarbakka svaf fólk í félagsheimilinu og virtustu allri nokkuð rólegir yfir óförunum. Sæunn Harpa Kristjánsdóttir, sem var strandaglópur, segir að hún hafi verið í fjögurra manna hópi á tveimur bílum. Þau hafi verið að flytja á Dalvík og því hafi búslóð verið með í för en þau hafi orðið strand við afleggjarann að Hvammstanga. Björgunarsveitarmenn hafi svo komið þeim til aðstoðar. Aðspurð um stemmninguna meðal strandaglópanna í nótt segir Sæunn að vel hafi verið hlúð að fólki og það hafi verið allt til alls. Þetta hafi því verið ævintýri.

Nokkur fjöldi fólks sem ákvað að halda ekki lengraí gærkvöldi var í Staðarskála í dag.Einn þeirra var Þröstur Jónsson sem kom í skálann um klukkan tíu í gærkvöld. Aðspurður segir Þröstur að hann og samferðamenn hans hafi áttað sig á að þeir kæmust ekki lengra en til Laugarbakka og því hafi þeir haldið til Hótels Staðarskála.

Vegagerðin mælist til þess að menn séu ekki að leggja í ferðir á vestanverðu Norðurlandi. Veður er enn mjög slæmt og nú síðdegis lokaðist vegurinn aftur nálægt Hvammstanga þegar flutningabíll rann til. Flutningabíllinn er nú laus og Vegagerðin hleypir bílum í gegn eftir því sem hægt er. Sigurður Þór Ragnarsson veðurfræðingur er kominn hingað. Hvernig er útlitið fyrir þá sem nú eru veðurtepptir fyrir norðan.