Ekkert ferðaveður á landinu

Ekkert ferðaveður er á landinu og varað er við stormi sunnalands. Að sögn Veðurstofunnar snjóar nú um allt land. Mest hefur snjóað á sunnanverðu landinu þar sem vindurinn hefur smám saman aukist. Talsverðar umferðartafir urðu víða á Reykjavíkursvæðinu í morgun vegna hálku. Þá lentu tvær bifreiðar utan vegar á Kjalarnesi vegna hvassviðris. Allt flug til og frá Reykjavíkurflugvelli hefur legið niðri í dag vegna hvassviðrisins. Ein farþegaþota flaug þó til Færeyja fyrr í dag en flughæð hennar er fyrir ofan óveðrið. Hvassviðri er sunnalands og vestan en dregur úr því í fyrramálið. Í kvöld og nótt mun bæta mikið í hvassviðrið á Norður- og Austurlandi en mun líklega lægja þegar líður á morgundaginn.