Tjón talið vera undir þremur milljónum króna

Tjón að völdum vatnavaxta á Höfn í Hornafirði fyrr í mánuðinum er talið vera undir þremur milljónum króna. Ljóst þykir að Hornfirðingar hafi sloppið betur en á horfðist í fyrstu.

Að sögn bæjaryfirvalda á Höfn hefur verið tilkynnt um tjón í 16 byggingum á Höfn. Skemmdir eru þó mismiklar. Af þeim 16 tilfellum þar sem tilkynnt var um tjón, hafa skemmdir í 14 tilfellum verið metin hjá tryggingafélögunum. Heildartjónið er taldið vera undir þremur milljónum króna. Jón Trausti Guðjónsson, starfsmaður tjónadeildar Vátryggingafélag Íslands, segir að alls hafi 12 aðilar í upphafi tilkynnt um tjón til VÍS, en þegar upp var staðið hafi 12 talið sig hafa orðið fyrir eiginlegu tjóni. Jón Trausti telur að heildartjón, þeirra sem tryggðir eru hjá VÍS, sé undir einni milljón króna. Jón Trausti segir að farið hafi betur en útlit var fyrir í fyrstu en Hornfirðingar hafi brugðist rétt og skjótt við mikilli útkomu. Allir þeir aðilar sem tilkynntu um tjón til VÍS voru tryggðir.

Tilkynnt var um tjón á tveimur stöðum til Sjóvá Almennra, upp á ellefur hundruð þúsund krónur. Hjá Tryggingamiðstöðinni var aðeins tilkynnt um eitt tjón og það var talið vera undir hundarað þúsund krónum. Tveir aðilar tilkynntu um tjón til Varðar-Íslandstryggingar , sem metið er upp á um átta hundruð þúsund. Það er því ljóst að Hornfirðingar sluppu betur en á horfðist í fyrstu þegar bókstaflega allt fór flot á Höfn, ný fyrr í mánuðinum.