Þyrla leitar neyðarsendis

Þyrla Landhelgisgælunnar, TF-LIF, leitar nú að neyðarsendi sem byrjaði að senda frá sér neyðarmerki um gervihnött í morgun. Þyrlan fór í loftið tíu mínútur fyrir tvö til að reyna að finna neyðarsendinn, en svo virðist sem hann sé staðsettur suður af Reykjanesskaga. Björgunarskip Slysavarnarfélagsins Landsbjargar, Oddur V. Gíslason, hefur einnig verið sendur til leitar. Að sögn Dagmars Sigurðardóttur, hjá Landhelgisgæslu Íslands, hefur Landhelgisgæslan ekki orðið vör við að skip eða flugvélar séu í neyð á svæðinu en leit fer þó fram. Haft hefur verið samband við skip og báta á svæðinu og flugvélar í aðflugi til Keflavíkur hafa flogið yfir svæðið og hafa ekki orðið varar við neyðarsendingar. Björgunarsveit Slysavarnarfélagsins Landsbjargar í Grindavík hefur einnig reynt að miða út neyðarsendingarnar úr bifreiðum í landi.