Svanhildur og Síminn hljóta markaðsverðlaun

Svanhildur Konráðsdóttir, sviðsstjóri menningar og ferðamálasviðs hjá Reykjavíkurborg, og Síminn hlutu markaðsverðlaun ÍMARK sem markaðsmaður og markaðsfyrirtæki þessa árs.

Þrjú fyrirtæki voru tilnefnd til verðlaunanna, CCP, Síminn og Stöð 2, en verðlaunin eru veitt því fyrirtæki sem skarað hefur fram úr í markaðsmálum og sinnt þeim af fagmennsku.

Svanhildur verður fulltrúi Íslands við val á Markaðsmanni Norðurlanda. Hún segir þetta mikla viðurkenningu fyrir sig og sitt fólk sem hafi unnið að því að byggja upp vörumerkið Reykjavík.