Ker reiðubúið að greiða borginni

Ker, sem á Olíufélagið Essó, er reiðubúið að greiða Reykjavíkurborg þá upphæð, sem félagið þáði á laun af Skeljungi, fyrir að tryggja að Skeljungur fengi mikil olíuviðskipti við borgina, í útboði árið árið 1996.

Eins og fram kemur í skýrslu Samkeppnisstofnunar um samráð olíufélaganna þáðu bæði Essó og Olís leyndar greiðslur fyrir að bjóða lægra en Skeljungur gerði, og tryggja þannig að Skeljungur hlyti viðskiptin. Væntanlega hefur Skeljungur líka hagnast umtalsvert á þessum leynisamningum, fyst félagði taldi svara kostnaði að greiða Essó og Olís fyrir að makka rétt í útboðinu. Hvorki Olís né Skeljungur hafa hinsvegar boðið borginni neinar endurgreiðslur, en Vilhjálmur H. Vilhjálmsson, sem fer með endurkröfumál fyrir borgina á hendur olíufélögunum öllum vegna útboðsins, segir félögin öll samsek í málinu. Í kröfubréfi sm hann sendi félögunum fyri rnokkru krefst hann 150 milljóna króna, sem hann telur að borginn hafi ofgreitt Skeljungi vegna samaráðsins. Hann segir upphæðina, sme Essó bjóðist nú til að greiða, ekki nema bort af því og þrátt fyrir boð félagsins verði áfram litið á málið í heild gegn félögunum öllum. Hann mun væntanlega eiga annan fund með lögmönnum þeirra síðar í vikunni, en ef hann ber ekki árangur heldur undirbúningur málaferla áfram með útgáfu stefnu á hendur þeim.-