Óljóst hvað gerðist

Bilun varð hjá þjónustuaðila Farice-sæstrengsins aðfaranótt sunnudags. Í gær var enn ekki ljóst hvað hefði valdið biluninni. „Þetta var ljósleiðari í jörðu sem bilaði og ég veit í raun ekki nánar hvað gerðist en það tók allt of langan tíma að gera við bilunina,“ segir Guðmundur Gunnarsson framkvæmdastjóri Farice. „Bilunin stóð í um sautján tíma sem er ekki gott þar sem þetta hægir á allri fjarskiptaumferð til og frá Íslandi. Umferðin færðist sem sagt yfir á Cantat 3 strenginn en hann er mun hægvirkari.“