Keflvíkingar vilja Andra Val

Keflvíkingar eiga nú í viðræðum við Andra Val Ívarsson sem leikið hefur með Völsungi undanfarin ár. Andri hefur verið skæðasti sóknarmaður Völsungs og er búinn að vera í hópi markahæstu leikmanna 1. deildar síðustu tvö tímabil. Kristján Guðmundsson, þjálfari Keflavíkur, sagðist hafa fylgst lengi með Andra. "Ég hef séð hann spila af og til síðan árið 2000 og veit því hvernig leikmaður hann er. Það er töluvert stökk fyrir leikmenn sem hafa staðið sig vel í 2. og 1.deild að koma í efstu deild en ef menn leggja hart að sér er hægt að ná góðum árangri."Ekki hefur verið gengið frá samningum við Andra en hann hefur verið orðaður við nokkur félög að undanförnu.