Hvað er Ferguson að spá?

Hvað er Sir Alex Ferguson, knattspyrnustjóri Manchester United að hugsa þessa dagana? Á ekkert að fara styrkja liðið? Eða er stefnan einfaldlega að halda 3. sætinu þriðja árið í röð? Gáfnaljósið skilur einfaldlega ekki gamla manninn þessa dagana. Ferguson þarf að kaupa miðvörð og heimsklassa miðjumann en ekkert viðist vera að gerast í þeim málum. Þá þarf hann einfaldlega að láta Rio Ferdinand fá eitt stykki hárþurkumeðferð. Hvað er að Rio Ferdinand? Auðvitað á maðurinn að skrifa tafarlasut undir samning við félagið. Gerir hann sér ekki grein fyrir því hvað fíflagangur hans í kringum lyfjaprófsskandalinn hefur kostað félagið?  Gáfanljósið skilur vel þá United stuðningsmenn sem baula á Rio, hann á það skilið. Markvarðarstaðan hjá United er vel skipuð. Aðalmarkvörður verður Hollendingurinn Edwin Van der Saar sem liðið fékk frá Fulham fyrr í sumar. Hann er mikill sigurvegari og hefur unnið fjölda titla, t.d. Meistaradeildina, hollensku deildina, ítölsku deildina auk þess sem hann hefur komist með landsliði sínu  í undanúrslit bæði í HM og EM. Varamarkvörður United er Tim Howard, sem er óviðjafnanlegur milli stangana en Gáfnaljósið telur að Howard hafi einfaldlega ekki taugar til að standa á milli stanganna hjá United. Þriðji marvörður liðsins er Ben Foster sem liðið fékk frá Íslendingaliðinu Stoke City. Foster kom til liðsins fyrir tilstilli Darrens Fergusons, (sem er sonur Sir Alex) en hann lék með Foster hjá Wrexham í ensku D deildinni en þar var Forster að láni frá Stoke. Það sárvantar miðvörð með Rio Ferdinand.  Mikael Silvestre hefur reyndar allt það sem góðan miðvörð þarf að prýða en hann gerir sig oft sekan um kæruleysisleg mistök í hjarta varnarinnar. Ef Ferguson ákveður hins vegar að kaupa ekki miðvörð væri skemmtilegt að sjá hann prófa Gabriel Heinze í miðvörðinn og láta Silvestre aftur í vinstri bakvörðinn. Þá er komið að aðalhöfuðverk United liðsins, miðjunni. Paul Scholes og Roy Keane hafa spilað þar undanfarin ár en nú er farið að síga á seinni hluta ferils þeirra. Keane, sem er nú í fýlu við stjórann getur ekki spilað alla leikina eins og hann gerði hér á árum áður. Liðið þarf góðan “back up” leikmann fyrir hann. United fékk Kóreumanninn Ji-Sung Park en ég er á því að hann sé allt of linur til að leika á miðri miðjunni. Strákurinn er gríðarlega teknískur, en það er sama vandamálið með hann og Kleberson, þá skortir báða líkamlegan styrk til að leika á miðjunni. Hins vegar gæri vel verið að Alan Smith myndi plumma sig á miðjunni en það kemur í ljós þegar mótið hefst. Gáfnaljósið áttar sig ekki á afhverju United leggur ekki allt í sölurnar til að klófesta þýska miðjumanninnn Michael Ballack, leikmann Bayrn München. Þessi leikmaður er sniðinn í enska boltann og óþarfi að ræða um styrkleika hans því það er efni í aðra grein. Ballack er af öðrum ólöstuðum besti miðjumaður í heimi um þessar mundir. Þessa dagana gengur ekkert hjá leikmanninum að semja við Bayern og því tilvalið að fá hann núna. Frammi er liðið afar vel sett með þá Rooney, Ruud, Saha, Smith og Rossi en líklega er öll þessi breidd óþörf því mér segir svo hugur að Sir Alex ætli sér að spila 4-3-3 í flestum leikjum. Hvernig myndir þú stilla upp United liðinu með Ballack innanborðs? Hér koma nokkrar hugmyndir gáfnaljósins. (4-3-3) --------Van der Saar G. Neville- Rio- Heinze – Silvestre       Keane ----  Ballack ---------- Scholes Rooney ------------- Ronaldo ----------- Ruud ( 4-4-2)   ---------- Van der Saar G. Neville- Rio – Heinze - Silvestre Ronaldo – Ballack – Keane – Giggs ------- Rooney – Ruud En dómur Gáfnaljósins er fallinn, án klassa miðjumanns er United ekki að fara gera neitt í vetur, en fái liðið leikmann á borð við fyrirliða þýska landsliðsins er United allir vegir færir.