Einn Hallormsstaðarskógur á ári

"Við í Skógræktinni ræktum því sem nemur einum Hallormsstaðarskógi á ári," segir Jón Loftsson skógræktarstjóri. Hann segir að á síðustu árum hafi 20 þúsund hektarar lands verið ræktaðir en þó sé aðeins 1,3% af flatarmáli Íslands neðan við fjögurhundruð metra hæð yfir sjávarmáli skógi vaxið. "Ef við notum evrópska skilgreiningu á því hvað telst skógur eru ekki nema 0,3% af flatarmáli landsins skógi vaxið," bætir Jón við. Fæstir hafa hins vegar farið varhluta af því að náttúra landsins hefur tekið töluverðum breytingum síðusta áratug ekki síst vegna nýrra erlendra trjátegunda en margar þeirra vaxa mun hraðar en þær íslensku. Stefán Helgi Valsson leiðsögumaður segir að gjalda beri varhug við hvar ræktað sé því víða séu tré farinn að byrgja sýn við þjóðvegi landsins. Brynjólfur Jónsson framkvæmdastjóri Skógræktarfélags Íslands segir gagnrýni sem þessa í raun hina gagnlegustu og hafi félagið tekið á henni með rannsóknum og átaki þar sem brýnt er fyrir skógræktarmönnum hvar sé æskilegt að rækta og hvar ekki.