Borgi 66 milljarða í skaðabætur

Morgan Stanley verður að greiða fjárfestinum Ron Perelman andvirði 66 milljarða króna í skaðabætur. Þetta er niðurstaða dómstóls í Flórída sem komst að þeirri niðurstöðu að fyrirtækið hefði beitt svikum og hjálpað Sunbeam að hafa fé af fjárfestum í viðskiptum árið 1998. Morgan Stanley hafði milligöngu um kaup Sunbeam á fyrirtækinu Coleman sem Perelman átti. Fyrirtækið segir að Perelman hafi hagnast á viðskiptunum þar sem hann hafi fengið greitt andvirði tíu milljarða króna fyrir fyrirtækið og losnað við skuldir fyrirtækisins upp á 34 milljarða.