Konungur fjarri þjóðhátíð

Norðmenn héldu þjóðhátíðardaginn hátíðlegan í gær, en þann 17. maí minnast þeir þess er fyrsta norska stjórnarskráin var samþykkt á Eiðsvelli árið 1814. Tugþúsundir Óslóarbúa tóku þátt í hátíðarhöldum í miðborginni í tilefni dagsins. Margir lögðu leið sína að konungshöllinni þar sem meðlimir konungsfjölskyldunnar samglöddust þegnunum. Ólafur konungur sást þó ekki enda er hann í sjúkraleyfi frá þjóðhöfðingjaskyldustörfum vegna hjartauppskurðar sem hann gekkst undir fyrir skemmstu. Meiri hátíðarhöld eru áformuð um allt landið þann 7. júní næstkomandi en þá verða rétt 100 ár liðin frá því sambandinu við Svíþjóð, sem Noregur var þvingaður í árið 1814, var slitið og norska konungdæmið endurreist.