200 manns látnir á þremur vikum

Nú hafa fjórtán manns í viðbót látist í Angóla úr Marburg-veirunni sem er skyld hinni skæðu E-bóla veiru. Alls hafa tæplega 200 manns látist síðan útbreiðsla hennar hófst fyrir þremur vikum. Nánast allir sem veikjast af völdum veirunnar týna lífi og engin lækning eða bólusetning er til. Alþjóðaheilbrigðismálastofnunin segir að vírusinn breiðist hratt út um héruð landsins en einkennin eru niðurgangur, magaverkir og uppköst sem enda svo í miklum blæðingum. Sérfræðingar telja að ástandið muni versna frekar á næstunni og hvetja til ýtrustu sóttvarna, ekki aðeins í Angólu heldur í nágrannalöndunum Kongó, Namibíu og Sambíu.