Ragnheiður í KR

Ragnheiður Ragnarsdóttir, fjórfaldur Íslandsmethafi í skriðsundi og fjórsundi, hefur ákveðið að ganga til liðs við Sunddeild KR en hún hefur æft og keppt með SH undanfarin fjögur ár. Ragnheiður hefur verið í fremstu röð allan þennan tíma í Hafnarfirði, hefur sett fjölda Íslandsmeta og unnið marga Íslandsmeistaratitla bæði í skriðsundi og fjórsundi. Ragnheiður átti mjög gott ár í fyrra, keppti meðal annars í skriðsundi á ólympíuleikunum en varð fyrir áfalli í upphafi vetrar þegar hún ökklabrotnaði í hálku. Hún er öll að komast á fullt skrið á ný og vann meðal annars tvöfaldan sigur í 50 metra og 100 metra skriðsundi á Sundmeistaramóti Íslands á dögunum. Ragnheiður hóf æfingar með KR í byrjun vikunnar en næsta stórverkefni hennar er þátttaka á Smáþjóðaleikunum i Andorra i lok maí auk þess sem hún stefnir einnig á þátttöku á HM í 50 m laug í Montreal i sumar, þar sem HM lágmörkin eru þessi í skriðsundi.