Yfirlýsingin bíður birtingar

Yfirlýsing Þjóðarhreyfingarinnar þar sem framgöngu íslenskra stjórnvalda í Íraksmálinu er mótmælt mun birtast í vikunni í bandaríska dagblaðinu New York Times. Að sögn Hans Kristjáns Árnasonar, eins ábyrgðarmanna fjársöfnunarinnar, er ekki ljóst hvaða dag hún muni birtast en það gæti þess vegna orðið á morgun. Í skiptum fyrir óvissuna fær hreyfingin ríflegan afslátt af birtingarkostnaði. Fjársöfnunin hefur gengið vonum framar og er verið að vinna að flutningi nokkur hundruð eintaka af blaðinu hingað til lands.