Viðskiptasamningar við Kína

Björgólfur Thor Björgólfsson undiritaði samstarfssamning Novator símafyrirtækis við kínverska símtækniframleiðandann Huawei, að viðstöddum forsetum Kína og Íslands, þeim Hu Jintao og Ólafi Ragnari Grímssyni, við hátíðlega athöfn í Höll alþýðunnar í Beijing í dag. Samstarfsamningurinn felur í sér að tæknileg uppbygging símkerfa Novators í Búlgaríu og í Póllandi og víðar í Austur Evrópu verði í höndum kínverska fyrirtækisins, sem á í harðri samkeppni við öllu þekktari fyrirtæki á þessu sviði, svo sem Ericsson. Við sama tækifæri í Höll alþýðunnar undirritaði Sigríður Anna Þórðardóttir, umhverfisráðherra einnig samnninga um samstarf á sviði jarðskjálfta og hinn um samstarf á sviði umhverfismála.