Kúbverskur útlagi handtekinn

Yfirvöld í Bandaríkjunum hafa handtekið kúbverska útlagann Luis Posada Carriles sem sakaður er um að hafa skipulagt sprengjuárás á flugvél fyrir þremur áratugum, sem varð tæplega áttatíu manns að bana. Ríkisstjórn Fidels Castros hefur undanfarið gagnrýnt stjórnvöld í Bandaríkjunum fyrir tvískinnung í baráttunni gegn hryðjuverkum og krafist framsals Carriles til Kúbu. Í gær söfnuðust nærri milljón Kúbverjar saman fyrir utan sendiráð Bandaríkjanna í Havana til þess að krefjast réttarhalda yfir Carriles fyrir aðild að sprengjuárásinni. Ekki liggur enn fyrir hvað Bandaríkjamenn munu gera við hann en talsmenn heimavarnaráðuneytisins segja ólíklegt að hann verði framseldur til Kúbu. Örlög hans muni ráðast á næstu tveimur sólarhringunum.