Björn finnur saksóknara

Björn Bjarnason sagði í Silfri Egils  í gær að hann myndi sennilega taka ákvörðun um nýjan saksóknara sem á að taka við þeim 32 ákæruatriðum í Baugsmálinu. Bogi Nilsson ríkissaksóknari sagði sig frá málinu fyrir helgi. Einhverjar efasemdir hafa komið upp um hæfi Björns til að fjalla um málið og er ástæðan að einhverju leyti skrif hans um Baugsmálið á heimasíðu sinni. Björn sagði meðal annars í sjónvarpsþættinum að í öllum málum þyrfti hann að taka afstöðu um það hvort hann væri hæfur til þess að fjalla um þau. Tók hann það fram að menn ættu að benda nákvæmlega á það hvar hann hefði gert sig vanhæfan með skrifum sínum.