Ólíklegt að neytendur sjái lækkun

Ólíklegt er að lækkun á matarskatti skili sér í vasa neytenda. Líklegra er að verslanir og heildsalar hækki álagningu sem skattalækkuninni nemur segir Guðmundur Ólafsson lektor í hagfræði. Allsherjarskattalækkanir skili sér mun betur til almennings. Til stendur að endurskoða virðisaukaskattskerfið, þetta er meðal annars staðfest í málefnsasáttmála ríkisstjórnarinnar og sjálfstæðismenn ályktuðu um þetta á Landssfundinum um helgina. Ingibjörg Sólrún Gísladóttir formaður Samfylkingarinnar vakti líka máls á þessu á fundi um síðustu helgi, en hún vill lækka að virðisaukaskatt á matvæli úr 14 % í 7%. Við þetta myndu tekjur ríkissjóðs lækka um þrjá og hálfan milljarða. Guðmundur Ólafsson, lektor í hagfræði, segir að kaupmenn séu ekki skyldugir til að lækka verð þó að matarskattur verði lækkaður. Samanber það að nú hefur innkaupsverð á vörum lækkað vegna hærra gengis en vöruverð jafnvel lækkað. Neytendur fengju því ósköp lítið af þessarri lækkun. Aðrar leiðir væru mun skynsamlegri til að bæta hag hinna verst settu, eins og áframhaldandi lækkun á tekjuskatti eins og til stendur um áramótinn, Eða jafnvel allsherjar lækkun á virðisaukaskatti. Allt nema lækkun á matarskatti. Guðmundur segir þetta eina dýrustu aðferðina sem til er til að koma peningum aftur til fátæks fólks. Það séu kannski á milli 100 og 200 milljónir sem myndu rata til fátæklinga en það kosti ríkið 4 milljarða. Því sé þessi leið ekki skynsamleg.