Fagnar fyrirhugðum aðgerðum

Borgarstjóri fagnar fyrirhuguðum aðgerðum á kvennafrídaginn og beinir því til stjórnenda á vinnustöðum að bregðast jákvætt við óskum kvenna um að leggja niður vinnu. Steinunn Valdís Óskarsdóttir, borgarstjórinn í Reykjavík, fagnar fyrirhuguðum aðgerðum í tilefni að þrjátíu ára afmæli kvennafrídagsins þann 24.október næstkomandi. Þann dag eru konur hvattar til að leggja niður vinnu frá átta mínútum yfir tvö. Þá mun ganga hefjast frá Skólavörðuholtinu. Tímasetningin er til þess að draga athygli að tekjumun kynja í samfélaginu. Þar sem atvinnutekjur kvenna nema um 64% af tekjum karla má líta svo á að á þessum tíma séu þær búnar að vinna fyrir launum sínum eftir fimm tíma og átta mínútur. Borgarstjóri beinir því til stjórnenda á vinnustöðum borgarinnar að bregðast jákvætt við óskum kvenna um að leggja niður vinnu í þeim tilgangi að taka þátt í aðgerðunum. Borgarstjóri hvetur konur, sem vilja taka þátt í göngunni, til að komast að samkomulagi við samstarfsmenn og stjórnendur um tilhögun.