Enn tapar Ísland U17

Íslenska piltalandsliðið í knattspyrnu, 17 ára og yngri, tapaði í dag öðrum leik sínum í röð, nú fyrir Írum, 2-0, á Keflavíkurvelli, í A-riðli á Norðurlandamótinu sem hófst í gær. Ísland hefur þar með tapað báðum fyrstu leikjunum sínum eftir að hafa steinlegið fyrir Dönum á KR-vellinum í gær, 4-0. Noregur lá fyrir Dönum í dag, 3-0 í Grindavík. Ísland mætir Norðmönnum í Kaplakrika í lokaleik sínum í riðlinum á morgun og Írland mætir Danmörku á Kópavogsvelli. Englendingar völtuðu yfir Færeyinga, 7-0 í Fagralundi í Kópavogi og Svíar lögðu Finna 3-0 á Ásvöllum í Hafnarfirði. Á morgun mætast England og Svíþjóð á Akranesvelli og Finnar mæta Færeyingum í Borgarnesi.