Háskóli Íslands hlýtur viðurkenningu Jafnréttisráðs

Háskóli Íslands hlýtur viðurkenningu Jafnréttisráðs árið 2005. Meginástæða þeirrar ákvörðunar er þau tímamót sem urðu í sögu skólans nú í sumar, þegar kona var í fyrsta skipti kjörin rektor við Háskóla Íslands.

Með vali Kristínar Ingólfsdóttur, prófessors í lyfjafræðideild, í embætti rektors Háskóla Íslands þótti sýnt fram á að reynsla hennar og þekking væri metin á jafns við karla. Þar með urðu þau tímamót að kona var í fyrsta skipti kjörin til að gegna embætti rektors skólans í sögu skólans. Það þótti því við hæfi að viðurkenning Jafnréttisráðs fyrir árið 2005 myndi falla í hlut Háskóla Íslands.