Innlent

Óánægja vegna uppsagna

Margir þeirra starfsmanna sem hefur verið sagt upp hjá Flögu Medcare, eru svekktir vegna uppsagnanna. Svo virðist sem ákveðin eftirsjá ríki meðal starfsmannanna enda sé starfsmannastefna fyrirtækisins góð.

Þórunn Stefánía Jónsdóttir rafeindavirki er ein þeirra sem hefur verið sagt upp hjá Flögu Medcare. Hún segir starfsfólk vera svekkt vegna uppsagnanna enda sé gott að vinna hjá fyrirtækinu. Þórunn segir að góð fjölskyldu- og jafnréttisstefna ríki, auk þess sem starfsandinn sé góður.

Þórunn segir ákveðna óvissu ríkja meðal þeirra sem hefur verið sagt upp störfum, sumir eigi þess kost að fá störf hjá höfðustöðvum fyrirtækisins erlendis en þó ekki allir. Starfsmenn eru að hennar sögn aðstoðaðir við að sækja um ný störf .

Fréttir Innlent

Mest lesið


Fleiri fréttir

Sjá meira


×

Mest lesið