Fullt út úr dyrum á minningarathöfn í Neskirkju

Fullt var út úr dyrum á minningarstund í Neskirkju í gærkvöldi vegna snjóflóðanna á Flateyri fyrir tíu árum og þurftu því sumir að standa á meðan séra Örn Bárður Jónsson predikaði.

Í orðum hans kom meðal annars fram að Íslendingar hafi líklega misst fleiri hlutfallslega vegna hamfara en allar þjóðir Evrópu til samans í styrjöldum sem háðar hafi verið í álfunni í gegnum aldirnar. Fólk fór með bæn, söng og minntist fórnarlamba hins hörmulega atburðar fyrir tíu árum. Bæði brottfluttir Vestfirðingar og aðrir komu gengu síðan til altaris og tendruðu kerti til minningar um þá sem týndu lífi í snjóflóðinu