Veldur vonbrigðum

"Í svörum heilbrigðisráðuneytisins vegna kvörtunar sálfræðinga kemur skýrt fram að ekkert sé því til fyrirstöðu að við þá verði samið," segir Halldór Kr. Júlíusson, formaður Sálfræðingafélags Íslands. Hann kveðst undrandi á ummælum heilbrigðisráðherra að athuga þurfi lagagrunninn áður en gengið verði til samninga við sjálfstætt starfandi sálfræðinga um niðurgreiðslur af hálfu hins opinbera.

Heilbrigðisráðherra hefur áfrýj­­að til áfrýjunarnefndar sam­­­keppnismála ákvörðun Samkeppniseftirlitsins vegna kvörtunar Sálfræðingafélagsins. Félagið vill að eftirlitið skeri úr um það hvort synjun heilbrigðisyfirvalda um að semja um greiðsluþátttöku í kostnaði sjúkratryggðra við sálfræðimeðferð standist samkeppnislög. Samkeppniseftirlitið telur svo ekki vera.