Innlent

Ragnhildur Gísladóttir hlýtur bjartsýnisverðlaun

Ragnhildur Gísladóttir, söngkona, leikkona og lagahöfundur hlaut í kvöld Íslensku bjartsýnisverðlaunin 2005 sem afhent voru í Íslensku óperunni.

Rætt var við Ragnhildi í Íslandi í dag í gær og þar sagðist hún m.a. ekki muna eftir því að hafa hlotið verðlaun sjálf áður. Aðspurð sagði hún að hún hefði aldrei verið mikið fyrir verðlaun en henni þætti bjartsýnisverðlaunin sérstök og mikill heiður. Ragnhildur segist bjartsýn að eðlisfari og að hún hafi aldrei verið jafnbjartsýn og nú. Fólk væri að vakna til vitundar um ýmsa hluti og hún sjálf væri byrjuð í skóla og hefði nóg að gera við tónsmíðar.

Verðlaunaféð nemur einni milljón króna og aðspurð hvað hún hygðist gera við féð sagðist Ragnhildur í léttum dúr ætla að kaupa sér snekkju og sumarbústaði víða um heim.

Íslensku bjartsýnisverðlaunin eru menningarverðlaun og hafa verið veitt hér á landi frá árinu 1981. Þau hétuBjartsýnisverðlaun Brøstesallt til ársins 1999 og voru þá kennd viðupphafsmann sinn, Danann Peter Brøste.Hann dró sig þá í hlé og frá árinu 2000 hefur Alcan verið bakhjarl verðlaunanna.

Fréttir Innlent

Mest lesið


Fleiri fréttir

Sjá meira


×

Mest lesið