Innlent

Lögreglan í málið

Lögreglan í Reykjavík telur rétt að skoða hvort efni tímaritsins Bleikt og blátt brjóti í bága við hegningalög. Talsmaður Femínistafélagsins segir leitt að útgefandi blaðsins hafi farið þá leið að hafa myndefni blaðsins klámfengið. Ritstjórinn segir um erótík að ræða.

Nýjasta tölublað B leiks og B lás sýnir meira hold heldur en þegar blaðið hét b&b og ljóst að tekin hefur verið ný stefna. Böðvar Bragason, lögreglustjóri í Reykjavík, segir að blaðið hafi verið skoðað af lögreglunni fyrir einu til tveimur árum síðan og þá hafi verið ákveðið að láta kyrrt liggja. Hann segist hafa heyrt að blaðið væri beittra nú og telur hann rétt að lögreglan skoði málið. Anna Katrín Guðmundsdóttir, t alsmaður Femínistafélagsins , er ósátt við blaðið. Hún segir það innihalda niðurlægingu gagnvart konum og finnst leitt að Fróði hafi ákveðið að fara út í klámbransann. Til þess að ná að útrýma ofbeldi þurfi að koma í veg fyrir að karlmenn sæki í svona efni.

Katrín Anna segir að ekki eigi að sætt sig við efni sem sýni konur á niðurlægjandi hátt þótt tímarnir hafi breyst. Hún segir nauðsynlegt að spyrna á móti þeirri stefnu klámiðnaðirns að setja klám og kynlíf undir sama hatt. Hún segir að Femínistafélagið muni skoða hvort Bleikt og blátt verði kært. Klám sé bannað en yfirvöld hafi verið máttlítil í að framfylgja lögum þess efnis. Hún segir félagið hafa kært Símann og 365 fyrir dreifingu á klámefni, en enn hafi ekkert gerst í því máli.

Guðmundur Arnarson, sem er r itstjóri blaðsins, segist ekki hræddur um að hafa gengið of langt. Verið sé að sinna þörfum ákveðins hóps og skoðanir á því hvað sé of mikið séu misjafnar. Hann segist ekki hræddur við lögregluaðgerðir, því fyrst þyrfti lögreglan að fara til annarra, eins og 365 og Símans. Guðmundur segist líta á efni blaðsins sem erótík, en aðrir kunni að vera ósammála því.

Erlent Innlent

Mest lesið


Fleiri fréttir

Sjá meira


×

Mest lesið