Lögreglan gleymdi að senda beiðni

Krefjist rannsóknarhags­munir þess að úrskurðir hér­aðs­dóms fylgi ekki dómum Hæsta­­réttar á netinu þarf lögregla að fara fram á það fyrir fram, að sögn Þorsteins A. Jónssonar, skrif­stofu­stjóra Hæstaréttar.

Á mánudaginn fylgdi úr­skurð­ur Héraðs­dóms Reykja­vík­ur gæslu­­­varð­halds­dómi Hæsta­rétt­ar í máli sem varðar inn­flutn­ing á fíkni­efnum um pósthús, en tvennt var handtekið vegna málsins. Lög­regla sagði í kjölfarið að óheppi­legt hefði verið að allar upp­lýs­ing­ar­nar hefðu komið fram. "Í þessu tilviki barst engin beiðni frá lögreglu," segir Þorsteinn, en bætir við að eftir að dómurinn kom á vefinn hafi lögregla haft samband. "Þá óskuðu þeir eftir að úrskurður Héraðsdóms yrði tekinn af netinu og það var gert samstundis. Svo fer hann þar inn aftur eftir umsaminn tíma."