Krefst frávísunar á endurskoðun dóms

Sigríður Rut Júlíusdóttir, lögmaður Jóns Ólafssonar, hefur krafist frávísunar á endurupptökukröfu Hannesar Hólmsteins Gissurarsonar á fyrri úrskurði héraðsdóms. Hannes hefur farið fram á endur­skoðun á fyrri ákvörðun Héraðsdóms um að heimil sé aðför að Hannesi á grundvelli dóms í Bretlandi þar sem hann var sakfelldur fyrir meiðyrði.

Mál Jóns og Hannesar var tekið fyrir í Héraðsdómi Reykjavíkur í gær, en málflutningur um frávísunina verður í annarri viku nóvember. "Málið hér snýst ekki efnislega um meiðyrðin, enda alveg klárt í Lugano-samningnum að það má ekki endurskoða hér. Málið snýst algjörlega um formið, hvort þessi útlenski dómir gildi hér," segir Sigríður Rut.