Jamison missti úr leik

Antawn Jamison, framherji Washington Wisards í NBA missti í nótt úr leik í fyrsta skipti í nær fimm ár. Jamison þurfti að sleppa leiknum við New York Knicks vegna hnémeiðsla og mun þessvegna fá um viku til að jafna sig af meiðslunum, því lið hans leikur ekki aftur fyrr en á sunnudag. Framherjinn og stjörnuleikmaðurinn hafði leikið 386 leiki í röð í deildinni, eða alla leiki síðan hann spilaði með Golden State Warriors árið 2000 og var þetta flestir leikir sem leikmaður hafði leikið í röð án þess að missa úr leik í deildinni. Núverandi met á Morris Peterson hjá Toronto Raptors, en hann hefur leikið 256 leiki í röð án þess að missa úr leik.