Prins býr til heimildarmynd

Hinn 19 ára prins Harry frá Bretlandi, hefur gert heimildarmynd um Afríkuríkið Lesotho, þar sem alnæmi er landlægt. Harry hefur varið átta vikum í þessu fátæka ríki í suðurhluta Afríku. Myndin var hugmynd Harrys og tók hann hana sjálfur með vídeómyndavél. Myndin, sem er um klukkutíma löng, verður sýnd síðar í þessum mánuði á bresku sjónvarpsstöðinni ITV. Þar tekur prinsinn viðtöl við lækna, hjálparstarfsmenn og prins Seiso, sem er bróðir konungsins af Lesotho. Talið er að myndin geti bætt ímynd prinsins sem hefur vakið athygli fyrir partýstand á næturklúbbum.