Pitt og Aniston á vaxmyndasafn

Fólki gefst nú kostur á að strjúka brjóst hjartaknúsarans Brads Pitt og klípa hann í rassinn. Að vísu er um að ræða vaxmynd af kvikmyndahetjunni í Tussauds safninu í London, en með nýrri tækni er sílikonið sem notað er hlýtt viðkomu og stöku hár eru á bringu styttunnar. Eiginkona hans leikkonan Jennifer Aniston er þó ekki langt undan, en vaxmynd af henni er við hlið hans og heldur hún í hann. Fyrir þá sem hafa í hyggju að komast í návígi við þau hjón, má geta þess að við hlið þeirra standa önnur hjón, eða öllu heldur vaxmyndir þeirra, Beckham hjónin, sem klædd eru í samstæð föt frá Dolce og Gabbana.