Marel og Kári úti

Marel Baldvinsson, Lokeren, og Kári Árnason, Víkingi, verða ekki með íslenska landsliðinu í knattspyrnu gegn Ítölum á Laugardalsvellinum næstkomandi miðvikudag. Ásgeir Sigurvinsson og Logi Ólafsson fækkuðu um tvo leikmenn í morgun en til stóð að fækka um fjóra. Það varð að samkomulagi við Ítalina að vera með 20 leikmenn. Leyfilegt er að skipta um sex leikmenn í hvoru liði ef báðar þjóðir samþykkja. Um hundrað ítalskir fjölmiðlamenn koma til landsins vegna vináttuleiksins en um er að ræða blaðamenn, ljósmyndara, sjónvarpsfólk, útvarpsfólk og tæknimenn af ýmsu tagi.