Mónakó vill Anelka

Fransmaðurinn Nicholas Anelka, leikmaður Manchester City, gæti verið á leiðinni til Frakklandsmeistaranna Mónakó. Framkvæmdastjóri félagsins, Frakkinn Didier Deschamps, hefur átt í lauslegum viðræðum við leikmanninn en ekkert er ákveðið. Vitað er af áhuga Anelka að færa sig um set til Mónakó og liggja þar helst tvær ástæður að baki; hann vill snúa aftur til heimalandsins og þá freistar það hans mjög að Mónakó spilar í meistaradeildinni. City vill alls ekki missa Anelka úr sínum herbúðum en fjárhagsvandræði félagsins gera það að verkum að það getur líklega ekki sagt nei við tilboði frá Mónakó.