Grönkjær til Birmingham

Danski landsliðsmaðurinn Jesper Grönkjær var í gær seldur til enska úrvalsdeildarfélagsins Birmingham frá Chelsea. Kaupverðið var 2,2 milljónir punda og skrifaði Grönkjær undir tveggja ára samning við félagið. Um tíma stóð til að hann færi til Sevilla en þeir hættu við á síðustu stundu. Í yfirlýsingu sem félagið sendi frá sér segir að þeir hafi ekki nennt að bíða lengur eftir því að Grönkjær myndi ákveða hvað hann vildi gera. Í staðinn ætla þeir að finna annan mann sem er svipaður leikmaður og Grönkjær. Grönkjær er þriðji leikmaður Chelsea sem gengur til liðs við Birmingham á skömmum tíma en fyrir voru komnir þeir Mario Melchiot og Mikael Forssell.