Alvarlegt slys við Kotströnd

Alvarlegt bílslys varð við Kotströnd á Suðurlandsvegi síðdegis, þegar fólksbíll í framúrakstri lenti framan á jeppa. Kona sem ók fólksbílnum og karlmaður sem var farþegi í bílnum voru flutt alvarlega slösuð með þyrlu Landhelgisgæslunnar á slysadeild í Reykjavík. Suðurlandsvegur var lokaður á tíma en hefur nú verið opnaður aftur fyrir umferð. Slysið varð um klukkan fjögur í dag. Ökumaður fólksbíls á leið til borgarinnar ætlaði að taka framúr en ók þá beint framan á jeppa sem var á leið austur. Slysið varð við Kotströnd, þar sem er Kotstrandarkirkja, miðja vegu milli Hveragerðis og Selfoss. Vegarkaflanum þar sem slysið varð var lokað um tíma og var umferð beint hjáleið um Hvammsveg. Mikil röð myndaðist og eftir rúman klukkutíma fór lögregla að beina umferð að austan um Þrengslin. Tvennt var í hvorum bíl. Við fyrstu skoðun reyndust meiðsli fólksins í jeppanum ekki mikil en fólkið sem var í fólksbílnum slaðasist alvarlega. Þyrla Landhelgisgæsluna flutti konu sem ók bílnum á slysadeild í Reykjavík en karlmaður sem var farþegi í bílnum var fluttur með sjúkrabíl. Samkvæmt upplýsingum frá Landspítalanum er konunni haldið sofandi í öndunarvél og eru þau bæði í rannsókn. Þau verða flutt á gjörgæsludeild og hugsanlega þurfa þau að fara í aðgerð í kvöld. Á svo til sama augnabliki var bíl ekið út af í Hveradalabrekkunni. Þrennt var í þeim bíl en fólkið hlaut minniháttar meiðsl og hefur verið útskrifað af slysadeild. Mikil umferð er nú um Vesturlandsveg en fjölmennustu mannamótin voru á Akureyri og á Sauðárkróki þessa Verslunarmannahelgina. Umferð um Suðurlandsveg var minni en í fyrra.