Ráðuneyti birtir ekki stefnu

"Við sjáum ekki fram á það að utanríkisráðuneytið geti tekið að sér að birta bandarískum stjórnvöldum stefnuna," segir Gunnar Snorri Gunnarsson ráðuneytisstjóri. Ragnar Hall, lögmaður íbúa við Laufásveg 19, segir að hann hafi óskað eftir liðsinni utanríkisráðuneytisins við að birta bandarískum stjórnvöldum stefnu vegna bandaríska sendiráðsins en málið hafi dagað þar uppi án skýringa. Gunnar Snorri segir það rangt. Ragnar hafi fengið þær skýringar að það sé takmörkunum háð hvort íslensk stjórnvöld birti erlendum stjórnvöldum stefnu og því geti ráðuneytið ekkert aðhafst.