Lífið

Á æfingu með Selmu Björns

"Hér er bara hardcore kántríæfing fyrir tónleika á sunnudaginn," segir söngkonan Selma Björns í meðfylgjandi myndskeiði sem tekið var í dag en hún heldur kántríveislu á Rósenberg næsta sunnudag, 21. ágúst, með hljómsveitinni Miðnæturkúrekunum. Hljómsveitina skipa: Selma Björnsdóttir, Vignir Snær Vigfússon, Pálmi Sigurhjartar, Benedikt Brynleifsson, Róbert Þórhallsson, Sigurgeir Sigmundsson og Matthías Stefánsson. Sjá nánar hér (facebook-viðburður).

Lífið

Hágrátandi í einkaþyrlu

Meðfylgjandi má sjá myndir af Suri Cruise, 5 ára, hágrátandi í þyrlu ásamt mömmu sinni, leikkonunni Katie Holmes, 32 ára. Pabbi hennar, leikarinn Tom Cruise var fjarri. Barnapían var hinsvegar með í för en hún reyndi einnig að hugga stúlkuna sem var með fangið fullt af leikföngum. Katie hefur undanfarið kynnt nýju kvikmyndina sína Don't Be Afraid Of The Dark og eigin fatalínu í New York.

Lífið

Harry á lausu

Harry Bretaprins hefur engan tíma fyrir kærustu í augnablikinu, en hann er hættur með undirfatafyrirsætunni Florence Brundenell-Bruce. Þau hafa verið saman síðan í júní en nú er ævintýrið á enda.

Lífið

Gott grín í fæðingu

Ben Stiller, Vince Vaughn og Rosemarie DeWitt hafa öll fallist á að leika í gamanmyndinni Neighborhood Watch. Seth Rogen og Evan Goldberg eiga heiðurinn að handritinu en það var fínpússað af Justin Theroux, ástmanni Jennifer Aniston og handritshöfundi Tropic Thunder.

Lífið

Frostrósa-aðdáendur vilja hitta Jóhönnu

„Við höfum verið saman í tuttugu ár og það er ein af ástæðum þess að við ætlum að koma aftur. Svo verð ég líka fimmtugur um þetta leyti,“ segir Craig Murray, Frostrósa-aðdáandi númer eitt frá Ástralíu.

Lífið

Það er rosalegt að sjá þig núna - 30 kg léttari

Óskarsverðlaunahafinn, söngkonan Jennifer Hudson, 29 ára, var stórglæsileg klædd í hvítan þröngan kjól eins og sjá má í myndasafni. Söngkonan hefur lést um rúmlega 30 kíló en samhliða því hafa háværar gagnrýnisraddir um vaxtarlag hennar hljómað. Jennifer segir að hún hafi ekkert pælt í vaxtarlaginu eða tölunni sem vigtin sýndi áður en hún flutti til Hollywood. "Mér fannst ég aldrei feit. Mér fannst ég nokkuð eðlileg. Allar stúlkurnar í Chicago litu eins út og ég þannig að þetta var aldrei vandamál," segir Jennifer sem hefur náð að létta sig með því að hreyfa sig daglega og huga sérstaklega vel að mataræðinu. Facebooksíða Jennifer.

Lífið

Forvitnileg stripparamynd

Steven Soderbergh er þekktur fyrir að feta ótroðnar slóðir þegar kemur að kvikmyndagerð og víst er að næsta kvikmynd hans, Magic Mike, á eftir að vekja mikla athygli. Hún fjallar um karlkyns strippara og líf hans á Flórída. Myndin verður að hluta til byggð á lífsreynslu bandaríska leikarans Channing Tatum, sem var strippari í Flórída áður en Hollywood uppgötvaði hann.

Lífið

Rómantísk mynd með dönsku ívafi

Danski leikstjórinn Lone Scherfig vakti mikla athygli í Ameríku fyrir mynd sína An Education sem gerð var eftir handriti breska rithöfundarins Nick Hornby. Myndin var tilnefnd til þriggja Óskarsverðlauna og allar dyr í Hollywood stóðu Scherfig opnar.

Lífið

Crispin Glover til Íslands

"Ég var staddur á tónlistarhátíð á Englandi fyrir tveimur árum og þá var hann með þessa sýningu sína. Ég varð mjög spenntur fyrir því að fá hana til Íslands enda var þetta eitthvað það magnaðasta sem ég hef séð,“ segir Sigurður Magnús Finnsson. Hann stendur fyrir óvenjulegum viðburði í Bíó Paradís í næsta mánuði.

Lífið

Frændur og vinir þenja raddir sínar í Áskirkju

Þrír upprennandi íslenskir söngvarar, sem allir eru nemendur íslensks tenórsöngvara í Hollandi, munu þenja raddir sínar í Áskirkju í dag. Auk þeirra munu ýmsir aðrir koma fram, og eru þeir flestir tengdir blóðböndum.

Lífið

Í stresskasti fyrir brúðkaupið

Brúðkaup raunveruleikadrottningarinnar Kim Kardashian, 30 ára, sem skoða má í myndasafni, og NBA-leikmannsins Kris Humphries, fer fram eftir aðeins þrjá daga, næsta laugardag. Gestalistinn er fyrir löngu sprunginn og stressið farið að gera vart við sig. Kim var mynduð klædd í skyrtu og stuttbuxur í morgun þegar hún hitti fatahönnuðinn Veru Wang, sem hannar brúðkaupskjólinn hennar, í allra síðasta skipti fyrir stóra daginn. Kim hefur æft eins og brjálæðingur undanfarnar vikur með einkaþjálfara og næringarfræðing sér við hlið svo hún líti sem allra best út þennan mikilvæga dag í lífi hennar.

Lífið

Blása nýju lífi í Gamla bíó

Tvö leikverk verða frumsýnd á fjölum Gamla bíós í haust. Fræg íbúð á efstu hæð hússins verður til leigu undir listasýningar og móttökur.

Lífið

Árni og félagar aflýsa

Breska hljómsveitin The Vaccines, með bassaleikarann Árna Hjörvar Árnason innanborðs, hefur neyðst til að aflýsa þrennum tónleikum. Ástæðan er þrálát vandamál með rödd söngvarans Justin Young.

Lífið

Nýtt plötuumslag Bjarkar slær í gegn á Facebook

Söngkonan Björk frumsýndi í dag umslagið á plötunni Biophilia og lét aðdáendur sína vita á Facebook-síðu sinni og víðar. Viðbrögðin voru vægast sagt jákvæð en á aðeins tíu mínútum voru 5000 manns búnir að "læka" myndina og ríflega 500 búnir að lýsa yfir aðdáun sinni.

Lífið

Kristrún Ösp ólétt

Faðernið skiptir ekki máli eins og er, ég tek ofurmömmuna á þetta enda hef ég alltaf verið sjálfstæð og þarf engan maka til að láta hlutina ganga upp.......

Lífið

Ertu með rass eins og Kim Kardashian?

Guðlaug Dagmar Jónasdóttir sem landaði 2. sæti í fegurðarsamkeppni Ungfrú Ísland í ár og vinkona hennar, Eva Rakel Jónsdóttir, sem var valin ljósmyndafyrirsæta í sömu keppni, sýna í meðfylgjandi myndskeiði hvernig hægt er að velja hárrétta gallabuxnasniðið á auðveldan máta. Eva Rakel, sem starfar í Levi´s búðinni í Kringlunni finnur út hvaða gallabuxnasnið fer Guðlaugu best. Gallabuxnaframleiðandinn Levi´s gerði mælingar á 60 konum til að sjá hvernig best væri að finna rétt snið fyrir konur út frá vexti. Útfærslurnar urðu þrjár: Slight, Demi eða Bold en sjónvarpsraunveruleikastjarnan Kim Kardashian er einmitt þekkt fyrir síðastnefnda vaxtarlagið.

Lífið

Ótrúlegur fjöldi listamanna á risatónleikum Bylgjunnar

Það verður mikið um dýrðir á Ingólfstorgi á Menningarnótt þegar Bylgjan heldur 25 ára afmælistónleika sína. Veislan hefst klukkan 13 og nær hápunkti klukkan 21 þegar ótrúlegur fjöldi af vinsælustu tónlistarmönnum þjóðarinnar mætir á sviðið og tekur sín þekktustu lög sem öll hafa hlotið sess meðal topplaga síðustu 25 ára. Í sumarlok 1986 varð bylting í tónlistarlífi okkar Íslendinga þegar hleypt var af stokkunum fyrstu einkareknu íslensku útvarpsstöðinni og nú fagnar Bylgjan 25 ára afmæli sínu.

Lífið

Fleiri hljómsveitir á Airwaves

Í dag var tilkynnt um fimmtíu listamenn sem koma munu fram á Iceland Airwaves til viðbótar. Meðal þeirra sem kynntir voru í dag eru Hjaltalín, HAM, Reykavík!, Lára, Prins Póló, Clock Opera og Active Child.

Lífið

Seacrest á Kanann

Útvarpsstöðin Kaninn hyggst hefja beinar útsendingar frá þætti Ryans Seacrest, American Top 40, á næstunni. Þættirnir hafa verið sagðir þeir vinsælustu í heimi en Seacrest fær til sín stærstu stjörnurnar í bandaríska skemmtanabransanum.

Lífið

Bieber mætti í gullbuxum

Það líður varla dagur án þess að rauði dregillinn sé dreginn út í Hollywood. Um helgina stóð sjónvarpsstöðin VH1 fyrir hátíðinni Do Something Awards eða "Gerðu eitthvað verðlaunin".

Lífið

Heyrðu þau leigðu heila lest

Angelina Jolie, 36 ára, og Brad Pitt, 47 ára, leigðu heila lest fyrir sig, börnin og allan farangurinn sem fylgir þeim til Lundúna í gær. En fjölskyldan er stödd í Bretlandi á meðan Brad er upptekinn við tökur í nýrri mynd sem ber heitið World War Z. Börnin Maddox, 10, Pax, 7, Zahara, 6, Shiloh, 5 og tvíburarnir Knox, og Vivienne, 3, eru greinilega byrjuð að aðlagast Hollywood-lífstílnum því þau voru innan við fimm mínútur að yfirgefa vettvang.

Lífið

Sigurjón með De Niro til Toronto

"Þetta er dýrasta óháða kvikmyndin í Bandaríkjunum árið 2010, hún kostaði 65 milljónir dala,“ segir Sigurjón Sighvatsson kvikmyndaframleiðandi. Kvikmynd hans, Killer Elite, hefur verið valin inn á kvikmyndahátíðina í Toronto þar sem hún verður frumsýnd 10. september í svokölluðum gala-flokki.

Lífið

Victoria tekur mataræðið föstum tökum

Victoria Beckham, 37 ára, sem eignaðist sitt fjórða barn, stúlkuna Harper Seven, 10. júlí síðastliðinn er staðráðin í að komast aftur í stærð núll. Sagan segir að hún ætli sér að vera komin í barnastærð fyrir tískuvikuna í New York sem stendur yfir 8.-15. september. Victoria borðar sex máltíðir á dag sem innihalda reyktan lax, chilli-rækjur, túnfisk, sushi og grænmeti. Þá drekkur hún endalaust af vatni samhliða 10 mínútna pilates æfingum á hverjum degi. Eina 'snakkið' sem Victoria leyfir sér eru ber og möndlur.

Lífið

Vekur athygli vestanhafs

„Það er búið að ganga vel og ég er að finna mig í faginu,“ segir Ása Helga Hjörleifsdóttir, meistaranemi í kvikmyndagerð við Columbia-háskólann í New York. Ása Helga er stödd hér á landi til að taka upp útskriftarverkefnið sitt við skólann, en hún hefur vakið eftirtekt fyrir góða handritasmíð. Reyndar svo mikla að Ása Helga er komin með umboðsmann, en það þykir vel af sér vikið og sérstaklega þar sem hún á ennþá eitt ár eftir í skólanum.

Lífið

Skrifar handrit að teiknimyndaseríu

Sigurjón Kjartansson og Hugleikur Dagsson eru að þróa nýja teiknimyndaseríu fyrir sjónvarp. Þeir unnu síðast saman að gerð gamanþáttaraðarinnar Hlemmavideó en það er framleiðslufyrirtæki Sigurjóns, Ídea Filmcompany, sem hefur þáttaröðina á sinni könnu.

Lífið

Þú lítur ekki út fyrir að vera 53 ára

Madonna mætti á Heathrow flugvöllinn í Lundúnum á 53 ára afmælisdeginum sínum með nýja elskhuganum, 24 ára franska dansaranum Brahim Zaibat, og fjórum börnum sínum, Lourdes, Rocco, David, og Mercy. Eins og sjá má í myndasafni lítur söngkonan ekki út fyrir að vera rúmlega fimmtug.

Lífið

Hilary Duff á von á barni

Leikkonan úr sjónvarpsþáttunum Gossip Girl og barnastjarnan Hilary Duff er ólétt af sínu fyrsta barni. Duff, sem er 23 ára gömul, staðfesti fregnirnar á heimasíðu sinni á sama degi og hún átti eins árs brúðkaupsafmæli. Duff er gift hokkíleikmanninum Mike Comrie.

Lífið

Ellý og Q4U rokka á Menningarnótt

Menningarnótt verður haldin í Reykjavík næstkomandi laugardag. Fjölmargir eru því að leggja lokahönd á dagskránna þar sem boðið verður upp á alls kyns skemmtun og tónleika. Skemmtistaðurinn Dillon við Laugaveg býður upp á tónleikadagskrá sjöunda árið í röð sem byrjar klukkan 15 og endar rétt fyrir flugeldasýninguna klukkan ellefu.

Lífið

Mest lesið